Александар Вучковски - сомелиер: Како македонските вина го освојуваат светот? ↓↓↓
Италијанскиот стратег Карло Анчелоти е среќен поради триумфот на Реал Мадрид од 4-1 против Гранада, а притоа кажа дека Касемиро, Тони Крос и Лука Модриќ се толку добри што нема зошто да им објаснува што да прават пред натпреварите.
Анчелоти се пошегува за одличните фудбалери за врска на „кралевите“ дека можат да играат на ова ниво во 2031 година, со оглед на тоа во каква форма се наоѓаат.
„Нема многу што да кажам за нив. Тие тројца се неверојатни. За мене се најдобрите фудбалери за врска во светот. Нивниот начин на игра ме изненадува, зашто тие прават некои работи кои не ги барам од нив, туку им доаѓа природно“, вели Анчелоти.
Реал Мадрид во моментов е првопласиран во Ла Лига со 30 бода освоени од 13 натпревари и се наоѓа на добар пат да ја освои титулата, иако има уште многу да се игра до крајот на сезоната.
