Дербија во Мадрид и Минхен: Последна шанса за Тен Хаг? ↓↓↓
Шпанскиот шампион Реал Мадрид ќе биде ослабен во мечот против Селта во второто коло од шпанската Ла Лига.
Екипата на Карло Анчелоти славеше во првото коло со 2-1 против Алмерија, а вечерва ќе се обиде да слави и против Селта виго, но тренерот се соочува со сериозни проблеми во средниот ред.
Анчелоти нема да смета на Касемиро, кој треба да го комплетира неговиот трансфер во Манчестер јунајтед, а мечот ќе го пропушти и Тони Крос.
Германецот имал вирус, па поради тоа ќе го пропушти дуелот против Селта, а тоа ќе го натера стратегот да го подмлади средниот ред на екипата.
Анчелоти ги повика и младите Марио Мартин и Мануел Анхел од Б-тимот на „кралевите“.
