Пред дербито, падна најважниот потпис во Манчестер Сити! ↓↓↓
Македонскиот репрезентативец Енис Барди е еден од клучните фудбалери во македонската репрезентација која на 12 ноември ќе игра историски натпревар со Грузија за пласман на Европското првенство.
Во полуфиналето Македонија играше против Косово, сега Барди истакна дека и покрај неговото потекло тој за Македонија секогаш дава се од себе и дресот го носи со гордост.
„Натпреварот со Косово беше посебен, по натпреварот добив и позитивни и негативни коментари, меѓутоа секој фудбалер го дава максимумот за тимот за кој настапува. Да, јас сум Албанец, но за Македонија давам сè од себе. За Македонија играм со гордост, секогаш сум спремен да дадам максимум за да напредуваме. Ние во репрезентацијата никогаш не сме имале проблем со тоа кој од каде е, сите имаме респект едни кон други и играме најдобро што знаеме. Сега имаме шанса за историја“, вели Барди.
Барди е среќен за триумфот против Косово, но знае дека ни претстои последниот предизвик, а тоа е Грузија.
„Среќни сме што сме во финалето и што го поминавме Косово, но никој не смее да заборави дека работата не е завршена. Пред нас се уште 90 минути против Грузија. Косово е добра репрезентација и верувам дека и тие наскоро ќе имаат шанса да играат на едно Европско првенство“, изјави Барди за телевизијата „Суперспорт“
