Александар Вучковски - сомелиер: Како македонските вина го освојуваат светот? ↓↓↓
Искусниот италијански стратег Карло Анчелоти во следната сезона ќе го предводи Реал Мадрид, откако шпанскиот гигант се раздели со Зинедин Зидан.
Раководството на Реал Мадрид не потроши многу време да најде замена за Зидан. Одлуката падна на Карло Анчелоти, кој од 2013 до 2015 година ги предводеше „кралевите“.
Анчелоти вкупно го предводеше Реал на 119 натпревари, а славеше на 89 од нив, додека 16 пати беше поразен, а 14 пати ремизираше.
Враќањето на Анчелоти во Мадрид го коментираше и францускиот напаѓач Карим Бензема, кој во моментов се подготвува за Европското првенство (ЕП).
Искусниот напаѓач беше одличен под водство на Анчелоти и кажа дека му се допаѓа фудбалската филозофија на Италијанецот.
„Супер вест. Ние, играчите и навивачите добро го познаваме. Тоа е одличен тренер. Ми се допаѓа неговата филозофија, начинот на кој го гледа фудбалот, како управува и ја води екипата“, вели Бензема.
