До кога ќе дишеме отровен воздух!? | Уште еден поткаст ↓↓↓
Поранешниот шпански фудбалер Икер Касилјас без сомнение е еден од најдобрите голмани во поновата историја, но наместо да ги ужива плодовите на блескавата кариера, славниот голман на Реал живееше вистинска животна драма. Касилјас ја заврши својата славна кариера на тажен начин, затоа што се пензионираше поради последиците од сериозен срцев удар на тренингот на Порто, а потоа го напушти неговата сопруга Сара Карбонеро.
Во Реал мина дури 16 години, стана клупска икона и во тој период одигра 725 натпревари, потоа во пет сезони во Порто 167 пати ја чуваше мрежата на португалскиот гигант, но следуваа тешки моменти. По 11 години ја прекина врската со Сара Карбонеро, што му беше, се разбира, тешко да го прифати. Нивната бакнежна сцена на Светското првенство 2010 година во Јужна Африка ја обиколи светот, но таа љубовна приказна неславно заврши.
– Не спијам редовно. Сакам да изгледам како да сум добро, но не можам да уживам во животот. Слушам стари песни, но веќе не можам да сонувам – призна Икер.
