До кога ќе дишеме отровен воздух!? | Уште еден поткаст ↓↓↓
Михаел Шумахер можеше да биде деветкратен светски шампион, но две грешки го чинеа скапо. Жан Тод без задршка тврди дека Германецот во клучни моменти „изгуби контрола“.
Михаел Шумахер остави неизбришлива трага во светот на Формула 1, но дури и таква големина, според зборовите на неговиот долгогодишен соработник, не беше имуна на моменти на слабост кои можеле да го чинат уште поголемо место во историјата.
Иако освои седум титули светски шампион и со години доминираше спортот, од Ферари денес стигнуваат тврдења дека тој број можеше да биде уште повпечатлив ако во одредени моменти не носеше одлуки кои го чинеа скапо.
Жан Тод, човекот кој беше со Шумахер во најуспешните години од кариерата, смета дека токму две конкретни инциденти пресудно влијаеле на губење на дури две титули.
„Полека го градевме тимот во 1996 година, победивме во три трки, а веќе во 1997 ја загубивме титулата во последната трка поради контроверзен потег против Жак Вилнев, каде Михаел направи грешка”, се присети Тод.
Жан Тод смета дека токму вакви моменти покажале една слабост кај Шумахер, бидејќи секој пат кога ќе ја изгуби контролата над емоциите или ситуацијата на патеката, тоа го чинело исклучително висока цена.
„Секој пат кога ќе ја изгубеше контролата, тоа скапо го чинеше, бидејќи тоа го чинеше шампионатот, а токму двете грешки беа пресудни”, порача Тод, јасно алудирајќи на 1997 и 2006 година.
