Данска vs. Македонија: Како тие се справуваат со отпадот, додека ние се расправаме кој е крив? ↓↓↓
Бившиот возач на Формула 1 Адријан Сутил е уапсен во рамките на меѓународна акција поради сомнеж за измама и проневера. Како што наведува германскиот весник Bild, а пренесува Daily Mail, 42-годишниот Германец, кој во кариерата возеше за тимовите Спикер, Форс Индија и Заубер, е приведен под тешки обвиненија.
Сутил, кој сè уште не дал јавна изјава за обвиненијата, се натпреваруваше во Формула 1 од 2007 до 2014 година. Иако никогаш не беше на подиумот, оствари респектабилна кариера, а неговите најдобри резултати беа четвртото место на Големата награда на Италија 2009 и петтите места во Малезија 2010 и Монако 2013 година. Сепак, има и неславен рекорд по бројот на стартови (128) без пласман на победнички подиум.
Јавноста го познава и по инцидентот од 2011 година, кога во ноќен клуб во Шангај со чаша шампањ повреди Ерик Лукс, тогашниот извршен директор на тимот Лотус. Во клубот таа вечер беше и Луис Хамилтон, тогашниот најдобар пријател на Сутил, но не беше вмешан во конфликтот.
Поради тој инцидент, Сутил во 2012 година беше прогласен за виновен за нанесување тешки телесни повреди и беше осуден на условна казна од 18 месеци и парична казна. Но, настанот го означи и крајот на неговото пријателство со Хамилтон, кој беше повикан како сведок, но одби да сведочи во корист на Сутил.
