Шанса да станеш YouTuber! Приклучи се! ↓↓↓
Барселона во саботата беше поразена од Гранада со 0-2 во рамки на петтото коло во шпанската Ла Лига и така ја продолжија серијата на лоши резултати на гостински терен.
Шпанскиот шампион, сметајќи ја и минатата сезона, запиша само една победа во осум меча надвор од „Камп Ноу“ во домашниот шампионат.
Клубот од Каталонија славеше во сите домашни средби со гол-разлика +16, но во гости не им оди најдобро, па трипати ремизираа и четири пати загубија со гол разлика -9.
Каталонците се во голема криза, а тоа создаде бунт во соблекувалната, па тренерот Ернесто Валверде е на удар на навивачите и медиумите, но и од фудбалерите.
Тоа воопшто не е добро за Валверде, кој не е посакуван во екипата, па доколку наскоро не ги поправи резултатите, тогаш би можел да се соочи со отказ.
