Време е за Boxing Day! И време е за Wildcard на Fantasy Premier league! ↓↓↓
Катараскиот портал „Ал Раја“ тврди дека хрватскиот селектор Златко Далиќ се договорил со репрезентацијата на Катар. Споменатиот извор тврди дека Далиќ ќе го замени сегашниот селектор Феликс Санчез Лопез и веднаш ќе почне со работа бидејќи репрезентацијата на Катар овој месец ја очекува Купот на Заливот, кој се игра во Кувајт.
Договорот на Далиќ со ХНС трае до летото 2026 година и планирано е да ја води репрезентацијата на завршницата на Лигата на нации, квалификациите за Светското првенство 2026, а исто така и на самиот Мундијал во Северна Америка, ако Хрватска се квалификува. Од Катар тврдат дека сè е договорено и дека наскоро целата зделка ќе биде објавена.
Далиќ го презеде водството на Хрватска на 7 октомври 2017 година. Досега има водено репрезентацијата во 93 натпревари и остварил 50 победи, 19 нерешени и 24 порази. Освои сребрен и бронзен медал на Светските првенства и сребро во Лигата на нации. Во својата кариера има водено и екипите на Ријека, ФК Динамо, Славен Белупо, Ал-Фаисали, Ал-Хилал У-23, Ал-Хилал и Ал-Аин.
