Де Брајне имаше неверојатна ноќ – со четири гола ги носи „граѓаните“ кон титулата (Видео)

Манчестер сити во мечот против Вулверхемптон славеше со убедливи 5-1, па така му избега на Ливерпул на три бода разлика на два меча пред крајот на сезоната и речиси сигурно ќе ја освои титулата.

Де Брајне ја отвори серијата во седмата минута, но Вулверхемптон преку Дендокер набрзо израмни на 1-1. Сепак, Белгиецот повторно беше во главна улога и со два гола стигна до хет-трик.

Во вториот дел продолжи хоророт за домаќините, откако Де Брајне го постигна четвртиот гол на мечот, додека победата ја потврди Стерлинг во 84. минута (5-1).

„Граѓаните“ имаат три бода повеќе од Ливерпул на две кола пред крајот, а во следното коло гостуваат кај Вест хем.