Диск голф го освојува светот, а го нема во Македонија!? ↓↓↓
Англискиот интернационалец Џејдон Санчо ова лето ќе изгледа дека е една од главните теми на шпекулации за летниот трансфер период.
Санчо пристигна од Манчестер Сити во Борусија Дортмунд пред три години и тоа беше полн погодок за него. 20-годишниот фудбалер ги воодушеви сите со своите игри во дресот на германскиот клуб и се најде на мета на многу клубови.
Во последно време, Санчо најмногу се поврзуваше со трансфер во Манчестер Јунајтед, но се чини дека ништо од ова нема да се случи затоа што Дортмунд за него постави цена од дури 120 милиони евра.
Сепак, се чини дека може да има голем пресврт на крајот на сезоната. Имено, англиските медиуми синоќа објавија дека Сити исто така сака да го врати Санчо во своите редови, и дека Пеп Гвардиола тоа го побарал пред неколку месеци.
„Дејли стар“ пишува дека Санчо дури им открил на своите блиски пријатели дека преговара со Сити за враќање во овој клуб, и дека нема ништо против да ги изненади многумина заради начинот на кој граѓаните се откажаа од него премногу лесно.
Санчо пристигна во Дортмунд за само осум милиони евра, а сега Сити може да плати над 100 милиони евра за нивниот поранешен играч. Овој офанзивен играч има желба да се врати во Англија, а следната дестинација сигурно ќе биде Манчестер, но прашање е дали ќе биде Јунајтед или Сити.
