Ентони Џошуа во втората рунда го нокаутира Франсис Нгану на спектаклот во Ријад, Саудиска Арабија.
Џошуа двапати успеа да го испрати Нгану во нокдаун, а потоа со моќен удар го „патосираше“ противникот.
„Кога ја видов борбата меѓу Френсис и Фјури дознав дека сака да се бори. И сакав да бидам дел од тоа. Тој е инспирација за многумина. Нгану е голем шампион и ова ништо не одзема од неговите способности. Му кажав дека не треба да го напушти боксот затоа што може добро да се бори. Ова е добра работа за боксот“, кажа Џошуа.
