Ненад Димитријевиќ беше најкорисниот играч во гостинската победа на Арис над Докса Лефкадас со 88-77 во грчката кошаркарска Суперлига.
Македонскиот плејмејкер заврши со 25 поени, четири скока и пет асистенции. Од зад линијата за три поени беше совршен, погодувајќи ги сите шест обиди, а вкупно шутираше 7 од 9 од игра.
Арис водеше уште од првата четвртина (32-23), а на полувремето ја зголеми предноста на 51-35. Најголемата предност изнесуваше 19 поени, а домаќинот во четвртата четвртина привремено ја намали разликата на едноцифрена, пред гостите повторно да се одлепат.
Покрај Димитријевиќ, кај Арис се истакнаа Робинсон Ерл со 17 поени и осум скока, како и Лидел со 14 поени. Кај Докса, најефикасен беше Хармон со 22 поени и десет асистенции.
Со новиот триумф, екипата на тренерот Василис Спанулис стигна до петтата последователна победа во првенството, по неодамнешниот прв пораз во Еврокупот од Хапоел Ерусалим.
