До кога ќе дишеме отровен воздух!? | Уште еден поткаст ↓↓↓
Реал Мадрид и Лион постигнаа договор кој привлече големо внимание од европската фудбалска јавност, а се однесува на позајмицата на еден од најталентираните млади фудбалери во светот, Ендрик.
Иако на прв поглед изгледа како класичен договор за позајмица, деталите од договорот откриваат многу покомплексна и поинтересна приказна.
Според достапните информации, основниот износ кој Лион треба да го плати на Реал Мадрид за едногодишна позајмица изнесува еден милион евра.
Сепак, тој износ е директно поврзан со временската активност на терен, односно бројот на натпревари кои младиот Бразилец ќе ги започне во почетната постава на францускиот клуб.
Имено, за секои пет натпревари во кои Ендрик ќе биде стартер, Лион ќе плати 200.000 евра помалку.
Со други зборови, колку повеќе игра, толку позајмицата ќе биде поевтина. Доколку Ендрик започне 25 натпревари во Лига 1 и други натпреварувања, Лион нема да мора да плати ниту едно евро на Реал Мадрид.
