Како започна приказната со Goblin Games - од гаража до бренд! ↓↓↓
Англиската фудбалска Премиер лига го препрати Лестер пред независна комисија поради наводно кршење на финансиските правила на Англиската фудбалска лига (EFL) во текот на сезоната 2023/24, кога клубот настапуваше во Чемпионшип, пренесе BBC.
Арбитражното тело исто така потврди дека Премиер лигата нема надлежност да го казни Лестер поради кршење на правилата за профит и одржливост во сезоната 2022/23, бидејќи клубот на крајот од таа сезона испадна од највисокото ниво на натпреварување.
Сепак, истото тело пресуди дека Премиер лигата има овластување да ги истражи потенцијалните кршења на правилата на EFL во текот на натпреварувачката 2023/24 година.
Независната комисија ќе ги испита и уште две наводни прекршувања на правилата од страна на Лестер: ненавремено доставување на финансиските извештаи до Премиер лигата до 31 декември 2024 година, како и недоволна и неадекватна соработка со лигата за време на спроведувањето на истрагата.
„Клубот има намера целосно и кооперативно да соработува во овој процес, сега кога е потврдена надлежноста на Премиер лигата за обрачунскиот период заклучно со финансиската 2024 година”, наведе Лестер, кој оваа сезона повторно испадна во Чемпионшип по втор пат во последните три години, во соопштението.
Фото: Принтскрин
