До кога ќе дишеме отровен воздух!? | Уште еден поткаст ↓↓↓
Боксерската ѕвезда Ентони Џошуа беше отпуштен од болница само два дена по тешката сообраќајна несреќа во Нигерија, во која ги загуби двајца блиски пријатели и тренер. Поранешниот двократен светски шампион, кој претрпе полесни повреди, веднаш со мајка му замина на последната испраќа на трагично загинатите членови на својот тим.
Според информациите од портпаролот на Градската управа на Лагос, Гбенга Омотосо, Џошуа беше пуштен на домашна нега во средата навечер. Веднаш по излегувањето од болницата, потврди Омотосо, Ентони и неговата мајка присуствувале на погреб во Лагос.
Во несреќата што се случи во понеделникот загинаа тренерот Латиф Ајоделе и кондицискиот тренер Сина Гами. Трагедијата се случила за време на Џошуиниот планиран еднонеделен одмор, а само неколку часа пред несреќата боксерот играл пинг-понг со Ајоделе.
Истражувањето за околностите на несреќата сè уште е во тек. Според првите информации, Џошуиниот возач, кој исто така претрпе полесни повреди, возел пребрзо, а наводно му пукнала гума.
