Нант утрово објави на социјалните мрежи дека двајца нивни ракометари се позитивни на коронавирус.
Тестовите биле направени по гостувањата кај Монпелје во француското првенство и Алборг во Лигата на шампиони, а имињата на позитивните играчи не се откриваат.
Според првите информации од Франција, ракометарите се во изолација и се наоѓаат во добра состојба, а не покажуваат симптоми на вирусот.
Исто така, екипата планира да направи тестирање на сите членови, по што ќе биде познато дали уште некој ракометар или член на стручниот штаб е заразен со вирусот.
