Бразилскиот репрезентативец Антони нема да тренира повеќе со Манчестер јунајтед по обвиненијата за насилство врз поранешната девојка.
Екипата од „Олд Трафорд“ објави дека Антони е отстранет од составот до дополнително известување, а Бразилецот потоа се јави со порака дека не е виновен.
Антони претходно беше исфрлен и од бразилската репрезентација поради истата причина и во моментов се води истрага по тешките напади од бившата девојка.
Ова не е првпат во Манчестер јунајтед да се случува вакво нешто бидејќи претходно слично обвинение доби и Мејсон Гринвуд.
Јавноста е поделена по ситуацијата со која се соочи Антони, па голем дел од фановите тврдат дека девојката сака да извлече пари од фудбалерот, додека дел од нив пишуваат дека Јунајтед е „екипа на насилници“.
