До кога ќе дишеме отровен воздух!? | Уште еден поткаст ↓↓↓
Бразилскиот напаѓач Ендрик, кој на почетокот од јануари пристигна на заем во Лион, може да се врати во Реал Мадрид откако мадридскиот клуб ја прекина соработката со тренерот Хаби Алонсо. Иако постои опција за враќање, таков развој на настаните се смета за малку веројатен, пишува Goal.com.
Деветнаесетгодишниот напаѓач, под водство на Алонсо, кој ја презеде клупата во летото 2025 г., забележа само четири настапи за Реал. Проблемите со повреди дополнително ја отежнаа ситуацијата за младиот играч. Последниот настап во Ла Лига го имаше на 7 декември против Селта Виго, кога беше и исклучен, а гол за „кралскиот клуб“ нема постигнато од 1 април 2025 г.
Алонсо беше сменет во понеделник, ден по поразот на Реал од Барселона во финалето на Суперкупот во Саудиска Арабија. Бидејќи клубот наскоро ќе добие нов тренер, додека тимот привремено го води Алваро Арбелоа, се отвори можност и за враќање на Ендрик. Потврдено е дека во договорот за заем постои клаузула за враќање, но истата мора да се активира до 20 јануари.
