Ф1 спектакл во Австралија, но возачите се загрижени: Ова не е вистинско тркање (Видео)

До кога ќе дишеме отровен воздух!? | Уште еден поткаст ↓↓↓

Отворањето на новата сезона во шампионатот Формула 1 на Големата награда на Австралија донесе возбудлива трка, но и покрена голема дебата меѓу возачите и тимовите за тоа во кој правец оди најбрзиот спорт во светот.

Победникот на трката Џорџ Расел призна дека и самиот имал поделени чувства по првиот викенд со новата генерација болиди и погонски единици, кои речиси рамномерно користат сила од мотори со внатрешно согорување и електричен погон.

Трката во Мелбурн понуди дури 125 претекнувања, додека минатата година на истата патека имаше само 45.

Двајца возачи користеле специјални режими на дополнителна сила – „буст“ и „овертејк“ – што овозможуваат привремено зголемување на електричната енергија.

Меѓутоа, таков систем често води до тоа дека возачот кој претекнува брзо останува без енергија и станува лесна мета на следната права.

Иако трката беше атрактивна за гледање, многу возачи изразија загриженост поради големите разлики во брзината помеѓу болидите.

Актуелниот светски шампион Ландо Норис предупреди дека таквите разлики можат да бидат опасни.

“Понекогаш разликата може да биде и 40 или 50 километри на час. Ако дојде до судир при таква брзина, последиците можат да бидат сериозни”, изјави Норис.

.

ПОВРЗАНИ НАПИСИПОВЕЌЕ ОД АВТОРОТ