Фати со прекрасен гол го расплака Милан (Видео)

Барселона славеше против Милан во пријателски натпревар со 1-0, а единствениот гол го постигна Ансу Фати.

Ова беше трет натпревар за Милан на турнејата во САД без победа, откако претходно загуби од Реал Мадрид со 2-3, а потоа и од Јувентус на пенали.

Каталонскиот гигант следната недела ќе игра и против Тотенхем, додека Милан има уште две пријателски средби против Тренто и Новара.

Сезоната за Барселона почнува на 13 август против Хетафе, додека Милан ќе се соочи против Болоња на 21 август.