Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Германскиот тренер Ханси Флик сака да го зајакне нападот на Барселона, а интересно е што високо на неговата листа на желби е млад турски репрезентативец за кого во Каталонија веруваат дека е подобар и од Реаловата Арда Гулер.
Младиот турски напаѓач на Јувентус Кенан Јилдиз е еден од најперспективните играчи во европскиот фудбал, а Флик е уверен дека неговото доаѓање може да направи разлика во проектот на Барселона.
Не е случајно што Флик го сака. Германецот верува дека Јилдиз има вештини да го надмине својот сонародник Арда Гулер, кој игра за Реал Мадрид.
Турскиот напаѓач, кој има само 20 години, поседува брзина, сила и голема способност за создавање опасности во противничкиот шеснаесетник. Исто така, поседува разновидност за игра како крило или втор напаѓач, профил кој совршено се вклопува во визијата на Флик за фудбалот.
Сепак, договорот нема да биде лесен: Јувентус бара минимум 80 милиони евра за продажба на својата ѕвезда во подем.
