Данска vs. Македонија: Како тие се справуваат со отпадот, додека ние се расправаме кој е крив? ↓↓↓
Тренерот на Барселона, Ханси Флик, изјави дека одличниот врзан играч Педри ќе се врати на теренот на натпреварот против Алавес, додека стоперот Роналд Араухо нема да игра поради стомачни проблеми.
Фудбалерите на Барселона денеска во 16:15 часот ќе го пречекаат Алавес во 14. коло од Ла Лига.
Педри последниот натпревар го одигра на 26 октомври во поразот од Реал Мадрид, по што доби повреда на левата нога, а Флик наведе дека шпанскиот репрезентативец денеска ќе игра, но нема да биде стартер.
Германскиот експерт додаде дека Араухо поради желудочни проблеми нема да може да биде во конкуренција за тимот, објавено е на веб-страницата на клубот.
Флик истакна дека сите во екипата се чувствуваат лошо по поразот од Челси со резултат 3:0 во Лигата на шампионите и порача дека е оптимист во врска со натпреварот со Алавес.
Барселона се наоѓа на второто место на табелата на шпанското првенство со 31 бод, додека водечкиот Реал Мадрид има бод повеќе.
