Данска vs. Македонија: Како тие се справуваат со отпадот, додека ние се расправаме кој е крив? ↓↓↓
Сагата за можно доаѓање на Ерлинг Халанд (25) во Реал Мадрид доби нова епизода, а гласините дополнително ги загреа поранешен новинар на клупската телевизија кој тврди дека Флорентино Перез веќе има план за доведување на норвешкиот напаѓач. Информацијата која одекна во медиумите ја објави Давид Санчез-Кањете, новинар кој долго време работел на Realmadrid TV. Тој на социјалната мрежа X го поврза доаѓањето на Норвежанецот со статусот на тренерот Хаби Алонсо, пишуваат шпанските медиуми.
„Чаби Алонсо беше среќен во Леверкузен. Се гледа на снимките од ‘Jugonesa’ како разговара со Фримпонг и Виртц, своите играчи во Бајер. Тука не ужива. Изгледа напнато. Но, тоа има рок на траење, ќе помине кога во 2026 година ќе се продаде еден играч и ќе дојде друг. И тоа Норвежанецот”, изјави Санчез-Кањете, нагласувајќи дека не се работи за неговото мислење, туку за информација од клубот.
Неговите тврдења се поврзуваат со неодамнешната изјава на Кит Винес, поранешен извршен директор на Астон Вила, кој смета дека големиот трансфер може да се случи веќе на крајот од оваа сезона. Клучна улога во целата операција би можел да има Винисиус Жуниор.
“Мислам дека Ерлинг Халанд би можел да си замине на крајот од оваа сезона. Многу се зборува за можното заминување на Винисиус Жуниор од Реал Мадрид во Саудиска Арабија. Гласините за 200 милиони евра за Бразилецот би можеле да бидат фактор што ќе му овозможи на шпанскиот клуб да направи понуда за Халанда”, изјави Винес.
Халанд има договор со Манчестер Сити до крајот на јуни 2034 година, а Transfermarkt ја проценува неговата вредност на 180 милиони евра. По игрите за норвешките клубови Брине и Молде, како 19-годишник пристигна во Ред Бул Салцбург, во кој започна неговиот фудбалски подем на тронот.
