Завршува сезоната: Негде се е познато, негде не се знае ништо! ↓↓↓
Фудбалерот на Манчестер Сити Ерлинг Халанд изјави дека неговиот тим до крајот на сезоната може да го освои ФА купот и да избори пласман во Лигата на шампионите.
Сити две кола пред крајот на Премиер лигата се наоѓа на четвртото место на табелата со 65 бодови, а „Граѓаните“ ќе играат против Борнмут и Фулам до крајот на сезоната во англиското првенство. Пред тоа, клубот од Манчестер на 17 мај ќе игра во финалето на ФА купот против Кристал Палас.
– Не покажавме конзистентност во Премиер лигата, немавме доволно последователни победи како во претходните сезони. Изгубивме премногу натпревари. Кога ќе освоиш четири последователни титули во Премиер лигата, сите очекуваат и петта, а кога тоа не се случи, тогаш сезоната се смета за неуспех. Ние самите поставивме такви високи стандарди – изјави Халанд за BBC и додаде:
– Беше ова тешка сезона, но можеме да ја завршиме со освојување на ФА купот и пласман во Лигата на шампионите – рече фудбалерот на Манчестер Сити.
Халанд истакна дека би сакал Манчестер Сити да го освои ФА купот и поради белгискиот фудбалер Кевин де Брујне, кој ќе го напушти англискиот клуб на крајот од сезоната.
– Беше привилегија да играм со него. Ќе треба да пронајдеме некој кој ќе го наследи, но прашање е дали некој може да го замени. Би сакал Де Брујне да замине од нашиот клуб со пехарот од ФА купот – заклучи Халанд.
Фото: Принтскрин
