Хаос во Барселона: Кој ќе игра во недела против Мајорка?

Барселона по кратката зимска пауза во недела треба да игра на гостување против Мајорка, а каталонскиот гигант е фаворит, но тренерот Чави има проблеми со фудбалерите.

Ковид-19 веќе неколку дена прави хаос во соблекувалната на Барселона, а постојано се зголемува бројот на позитивни случаи во екипата.

Каталонскиот тим вчера потврди дека се заразени Осман Дембеле, Гави, Самуел Умтити, Дани Алвеш, Алехандро Балде, Жорди Алба и Клемен Ленгле.

Сепак, на проблемите им нема крај во Барселона затоа што тимот потврди дека и утрово стигнале неколку позитивни резултати на коронавирус.

Барселона потврди дека на новото тестирање позитивни биле Сержињо Дест, Филипе Кутињо и Ез Абде, а ова е дополнителна главоболка за тренерот.

[MEDICAL UPDATE]

Sergiño Dest, Coutinho and Ez Abde positive for COVID-19.

The players are in good health and self-isolating at home.

The Club has reported the cases to the relevant authorities. pic.twitter.com/pQVqwkykjT

— FC Barcelona (@FCBarcelona) December 30, 2021