Интересна сцена од тренингот на Реал: Модриќ направи грешка, па му се извинуваше на Мбапе (Видео)

Време е за Boxing Day! И време е за Wildcard на Fantasy Premier league! ↓↓↓

Фудбалерите на Реал Мадрид вечерва играат гостински натпревар против Жирона во 16. коло на шпанската Ла Лига, а интересна сцена се случи вчера на тренинг на “кралевите” помеѓу Лука Модриќ и Килиан Мбапе, што ја сними камерата.

„Кралскиот клуб” не се наоѓа во најдобра форма во последно време, а тоа се виде и пред неколку дена кога Реал беше поразен во Билбао од Атлетик со 2:1.

Сепак, екипата на Карло Анчелоти ќе има шанса за поправен испит вечерва кога гостува на екипата на Жирона каде што сигурно победата ќе биде императив за играчите на Реал Мадрид.

Претходниве денови главна тема во шпанската јавност е Килиан Мбапе кој и во Билбао беше трагичар бидејќи промаши пенал исто како што го направи и на “Енфилд” минатата недела во мечот од Лигата на шампионите против Ливерпул.

Мбапе никако да го пронајде својот ритам во Реал, а навивачите на клубот се повеќе губат трпение и почнаа да го критикуваат на социјалните мрежи.

Пред гостувањето во Жирона, играчите на Реал вчера одржаа тренинг во Мадрид, а за време на истиот во центарот на вниманието беа Мбапе и Лука Модриќ поради интересна сцена. За време на тренингот, Модриќ испрати лош пас кон Мбапе кој не успеа да ја продолжи акцијата.

Но, Модриќ ја призна грешката и влезе во кругот, и потоа се насмеа и се извини на Мбапе за лошото додавање што го снимија и камерите.

ПОВРЗАНИ НАПИСИПОВЕЌЕ ОД АВТОРОТ