Зошто проблемот со улични кучиња СÈ УШТЕ постои? | Уште еден поткаст ↓↓↓
Личноста која Италијанскиот фудбалски сојуз најмногу би ја сакале на клупата на репрезентацијата е Пеп Гвардиола. Поради него се подготвени да направат исклучок дури и кога станува збор за платата, иако досега ограничениот буџет на сојузот се истакнуваше како еден од главните проблеми.
Сепак, како што пренесува Газета, специјалните изасланици Паоло Малдини и Леонардо се вратија од Барселона без премногу оптимизам. Некогашниот тренер на Барселона, Баерн и Манчестер Сити е апсолутен прв избор на челниците на италијанскиот фудбал, а по разговорите со претседателот на сојузот му беше претставен амбициозен и сеопфатен проект.
Гвардиола би се нашол во центарот на сосема нова фудбалска филозофија која не би се однесувала само на сениорската репрезентација, туку би ги опфатила и помладите возрасти. Идејата е да се промени од корен начинот на работа во италијанскиот фудбал, а ваков проект секако би можел да го заинтересира стручњакот кој пристапува кон фудбалот со особен страст и предаденост.
Малдини и Леонардо се обиделе да го убедат дека би можел да состави стручен штаб што ќе му овозможи што повеќе време да поминува со семејството во Барселона. Сепак, Гвардиола го загрижува обемот на работа и одговорностите што би ги преземал.
Шпанскиот стручњак не е навикнат да работи напола. Неговата кариера покажува дека на секоја задача се посветува максимално, поради што остварувал врвни резултати каде и да работел. Овојпат на своето семејство им вети дека подолго ќе остане со нив, што не можеше уште од периодот што го поминал во Баерн.
