Македонскиот тенисер Калин Ивановски го освои трофејот на фјучерсот во Крамсах, Австрија, каде што ја освои втората титула оваа сезона.
Ивановски играше одлично во текот на турнирот и оствари пет победи, додека во финалето го декласира Џерард Кампања Ли со 6-2 и 6-2.
„Голема благодарност до сите во организацијата. Одиграв неверојатен турнир. Имав добри настапи, а притоа морав да победам и неколку домашни тенисери“, кажа Ивановски.
Најдобриот македонски тенисер претходно го освои и фјучерсот во Скопје.
