Екранизација, задоцнет развој, аутизам, инклузија – што треба да знаат родителите ↓↓↓
Дефанзивецот и капитен на Барселона Роберт Араухо отпатува во Тел Авив на духовно патување за да го убрза својот физички и ментален одмор по исклучително тешкиот период во клубот. Неговата одлука беше силно поддржана од клупската легенда Жерар Пике, кој повика на радикална промена во односот на навивачите кон играчите, признавајќи дека Уругваецот едноставно дигнал рака и рекол доста на злоупотребите што ги трпи.
Араухо пред повеќе од осум дена доби одобрување од клубот за неограничен отсуство откако неговите претставници во понеделник, 1 декември, одржаа состанок со спортскиот директор Деко. Уругвајскиот стопер ги пропушти последните три натпревари од Примера по лични причини, а сега е откриено дека добил посебна дозвола од клубот за патување во Израел.
Целта на патувањето не е само одмор, туку и клучен дел од рехабилитацијата со која бара утеха и ментална јасност за да се подготви за вториот дел од сезоната.
Како длабоко религиозен човек, Араухо почувствува потреба да избега од токсичната атмосфера која ја опкружува Барселона и повторно да се поврзе со својата вера. Притисокот од капитенската лента, постојаните проблеми со повредите и жестоките критики од дел од навивачите наводно го оставиле бранителот емотивно потресен, поради што му требаше комплетно психолошко обновување.
