Пред дербито, падна најважниот потпис во Манчестер Сити! ↓↓↓
Реал Мадрид доцна синоќа ја совлада Валенсија на теренот Алфредо Ди Стефано во натпреварот од 29-то коло на шпанската Ла Лига со 3:0.
Иако резултатот не го покажува ова, Кралевите дадоа се од себе за да го срушат отпорот за нив скоро секогаш непријатната Валенсија.
Во првиот дел од првото полувреме, една добра можност од обете страни. Прво, Азар им се закани, но Цилесен бранеше, а веднаш потоа Родриго ја погоди стативата на другата страна. Набргу потоа гостите постигнаа гол преку Родриго, но голот беше поништен по употребата на ВАР технологија. До крајот на првото полувреме, Карвахал се обиде од една страна и Кондогбија од друга страна, но резултатот не се промени.
Немаше погодоци до 61. минута кога Реал конечно го презеде водството преку Карим Бензема кој погоди од асистенција на Азар. Само 13 минути подоцна, веќе беше 2-0 бидејќи Марко Асенсио им се придружи на стрелците по неговото враќање на теренот. Конечниот резултат на четири минути пред крајот на натпреварот го постави вториот гол на Бензема. Овој пат Асенсио беше асистент.
Со оваа победа, Реал остана на минус два во однос на Барселона и ќе продолжи мртвата трка за шампион. Валенсија, од друга страна, останува на 8-то место и се чини дека Лигата на шампионите може само да остане сон.
