Клоп го откри својот наследник во Ливерпул: Тој е одличен!

Германецот Јирген Клоп заминува од Ливерпул на крајот на сезоната, а како негов наследник го предложи Чаби Алонсо од Баер Леверкузен.

Алонсо има одлични резултати со „фармацевтите“ и е на добар пат да ја освои титулата во Бундеслигата.

„Чаби Алонсо е одличен. Тој има неверојатни резултати со Баер Леверкузен и не го кажувам ова само затоа што заминувам од Ливерпул. Истото ќе ви го кажев и пред осум недели. Ова е нова генерација на тренери, а сметам дека Чаби се издвојува“, кажа Клоп.

Ливерпул во моментов е лидер во Премиерлигата со 54 бодови, односно два повеќе од Манчестер сити.