Александар Вучковски - сомелиер: Како македонските вина го освојуваат светот? ↓↓↓
Вечерва во Лигата на шампиони (ЛШ) беа одиграни уште седум натпревари во терминот од 21 часот, кои донесоа неверојатни 29 голови и возбудливи моменти за љубителите на фудбалот.
На „Алијанц Арена“ во Минхен се одигра дербито помеѓу Баерн Минхен и ПСЖ, кое беше одлучено со само еден погодок. Стрелец на голот беше Ким Мин-Јае во 38. минута, осигурувајќи им три бода на домаќините. Во второто полувреме, ситуацијата се влоши за гостите од Париз, откако Осман Дембеле доби директен црвен картон, со што ги остави своите соиграчи со играч помалку и ги уништи шансите за израмнување.
Манчестер Сити, пак, приреди вистинска драма на својот натпревар против Феенорд. „Граѓаните“ рано го презедоа водството, благодарение на два гола на Ерлинг Халанд и еден на Илкај Гундоган, со што во 53. минута резултатот беше убедливи 3-0 во нивна корист. Сепак, во неочекуван пресврт, англискиот шампион дозволи Феенорд да се врати во игра. Холандскиот тим успеа да постигне три гола за само 15 минути преку Муса, Хименез и Ханцко, осигурувајќи си вреден бод и оставајќи ги навивачите на Сити разочарани.
Најубедливата победа ја забележа Аталанта, која го совлада Јанг Бојс со убедливи 6-1. Слична доминација покажа и Арсенал, кој со 5-1 го декласираше Спортинг, додека Баер Леверкузен со демонстрација на сила го потопи Салцбург со резултат од 5-0.
