Прославениот француски фудбалер, Патрис Евра денеска преку социјалните мрежи објави крај на својата богата кариера.
38 годишниот лев бек во кариерата настапуваше за осум различни клубови, а најголема трага остави со игрите во Манчестер Јунајтед.
Кариерата ја започна во 1998година во италијанскиот клуб Марсала, а потоа настапуваше за тимовите на Монца (Италија), Ница и Монако (Франција) пред да направи трансфер во Манчестер Јунајтед.
Во Јунајтед освои 15 трофеи, а потоа се пресели во Јувентус од каде замина за Марсеј. Последен негов клуб беше Вест Хем, а откако не успеа да најде нов ангажман се реши да стави крај на играчката кариера.
Сепак, Евра најави дека ќе остане во фудбалот и дека следна цел му е да стане тренер и да тргне по стапките на Сер Алекс Фергусон. Французинот веќе има добиено неколку тренерски лиценци, а се чека уште на онаа најбитната, УЕФА Про лиценцата која е неопходна за водење на голем клуб.
