До кога ќе дишеме отровен воздух!? | Уште еден поткаст ↓↓↓
Пред Флорентино Перес има многу работа за да ги врати одличјата во трофејната сала на Реал Мадрид.
Барселона по втор пат по ред ќе ја освои титулата шампион на земјата, а нема сомнение дека и ситуацијата во Реал им помогна за тој подвиг. Очигледната грешка во доведувањето на Каби Алонсо, кој од аспект на балансот во соблекувалната не беше вистинскиот човек за работата на „Бенабеу“, како и прашањето за создавањето на играчкиот кадар.
Следат многу промени, пред сè на клупата, а потоа и во составот. Првиот потег на Реал сепак нема да биде доаѓањето на нов стратег, туку, според сѐ, тоа ќе биде враќањето на Ендрик. Неговата позајмица во Лион истекува на 30 јуни, а планот е да се врати во Реал Мадрид за да се бори за место во стартната постава. Тоа, сигурно е, ќе доведе до заминувањето на Гонзало Гарсија, но веројатно исто така по принцип на позајмица.
Бразилецот привлече големо внимание со своето заминување во Лион. Веќе седум голови и седум асистенции, а во обете статистички колони се запиша минатиот викенд против Пари Сен Жермен во победата на „Паркот на принцевите“ со 0:2. Тој е навистина опасен иако имаше критики од страна на тренерот Пауло Фонсекa.
