Полскиот голгетер Роберт Левандовски не планира да замине од Барселона на крајот на сезоната, иако имаше шпекулации дека ќе се пресели во Саудиска Арабија или САД.
Левандовски вчера постигна хет-трик против Валенсија, по што кажа дека сака да остане во Барселона.
„Не е возможно да си заминам од Барселона ова лето, но тоа не е тема за која има нешто да се зборува. Физички се чувствувам одлично и верувам дека така ќе биде во нареднте две сезони. Тогаш веќе нема да бидам физички на повисоко ниво, па ќе размислувам за мојата иднина и заминување“, кажа Левандовски.
