Шанса да станеш YouTuber! Приклучи се! ↓↓↓
Саутемптон го заврши трансферот на играчот на Ливерпул Дани Ингс за 20 милиони фунти.
Напаѓачот минатата сезона ја помина на позајмица во Саутемптон каде што одигра 24 натпревари во Премиер лигата и постигна 7 голови, а сега потпиша договор на три години.
Ингс во 2015. година стигна во Ливерпул од Барнли за 6.5 милиони фунти, но за клубот од Енфилд одигра само 14 натпревари во Премиер лигата и постигна 3 гола.
„Чуството е одлично. Очигледно, со обизр на тоа дека сум овде една сезона. Имаше многу успеси и падови во мојата кариера, со неколку помали повреди што резултираше со слаба игра во предсезоната“.
„Сега потпишав договор со Саутемптон и се чуствувам одлично. Во текот на летото внимавав на себе и сега едвај ја чекам новата сезона“, рече Ингс.
Луверпул ќе заработи 18 милиони фунти веднаш, а уште потенцијални два ќе дојдат од бонуси. Исто така, Реси ќе добијат 20% од наредната продажба на Ингс.
