До кога ќе дишеме отровен воздух!? | Уште еден поткаст ↓↓↓
Ливерпул се мачи цела сезона да пронајде константна форма и може да се каже дека, според вложувањата, кампањата е неуспешна. На сето тоа имаат и кадровски проблеми. Александер Исак ќе се врати само во завршетокот на сезоната, ако воопшто и тогаш, Конор Бредли нема, додека пред неколку дена против Карабаг повторно се повреди Џереми Фримпонг.
Така Ливерпул остана без своите десни бекови и минатата вечер Доминик Собослај беше принуден да игра на таа позиција, но не треба да биде уште долго. Ливерпул работи на пронаоѓање на решение, барем до летото. Ќе имаат денес и утре за да го решат прашањето за десниот бек на пазарот што нема да биде лесно.
“Во последните 48 ќе се обидеме да го засилиме тимот. Не знам точно што ќе се случи, но преферирам да го зајакнам тимот, не да го ослабам. Ќе видиме”, рече Арне Слот после Њукасл.
Ливерпул се распрашуваше за Денцел Дамфрис кој е повреден и ќе се врати за десетина дена, Жереми Жаке од Рен исто така високо котира.
