Македонија ќе биде носител на ждрепката за Мундобаскетот

Македонската кошаркарска репрезентација ќе биде носител на една од групите од претквалификациите за наредното Светско првенство (СП).

ФИБА го одреди ранкингот на репрезентациите, а Македонија заедно со Летонија, Шведска и Црна Гора е меѓу носителите на ждрепката, која е закажан за утре во Берлин со почеток од 16.30 часот.

Тоа значи дека Македонија ќе ги одбегне топ-фаворитите за пласман во следниот круг, квалификациите за Мундобаскетот во 2023 година.

На утрешната ждрепка ќе бидат извлечени четири групи од по три селекции, а натпреварите ќе се играат во август.