Минатата сезона во елитната ракометна Лига на шампионите (ЛШ) беше прекината поради пандемијата на коронавирусот, па Европската ракометна федерација (ЕХФ) реши фајнл-фор турнирот да се одигра на крајот на 2020 година, односно на 28 и 29 декември.
Четири екипи кои се пласираа на фајнл-форот се Веспрем, ПСЖ, Барселона и Кил, а тие на самиот крај на годината ќе се борат за да го освојат трофејот и да го наследат Вардар на европскиот трон.
Денеска беше одржана ждрепката за големото натпреварување, па македонскиот репрезентативец Дејан Манасков дозна дека со Веспрем ќе игра против Кил во едното полуфинале, додека другото е составено од Барселона и ПСЖ.
