Сè што треба да знаете за НОВИОТ формат на Светското клупско првенство! ↓↓↓
Манчестер сити ја одигра својата најслаба сезона откако пред девет години го презеде Пеп Гвардиола. Завршија како трети во Премиер лигата, што делува утешно ако се земе предвид дека добар дел од сезоната го поминаа под првите четири позиции. Во Лига купот испаднаа во четвртата рунда, во Лигата на шампионите испаднаа во плејоф рундата, а во финалето на ФА купот се срушија од Кристал Палас.
Затоа овој трансфер период следи ремонт во соблекувалната. Пристигнаа Тијани Рејндерс, Рајан Аит-Нури и Раян Черки, а некои се на заминување. Кевин де Брујне заминува како слободен играч, а на излезните врати е и Џек Грилиш, најскапиот играч во историјата на клубот.
Дваесет и девет годишниот англиски офанзивен играч од средниот ред пристигна во Сити во летото 2021 година од Астон Вила за 118 милиони евра, што го прави многу најскап играч во историјата на клубот. Втор на таа листа е Јошко Гвардиол, кој е платен 30 милиони евра помалку. Грилиш е истовремено и деветтиот најскап играч во историјата на фудбалот.
Според пишувањата на британските медиуми, три клуба се истакнуваат како најверојатни идна дестинација за Грилиш. Тоа се Евертон, Њукасл (кој под саудиско водство стана најбогат клуб на светот) и “неговиот” Астон Вила.
Фото: Принтскрин
