Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
На почетокот од третото коло во англиската Премиер лига, со почеток во 16:00 часот, се одиграа четири дуели. Манчестер Јунајтед, Борнмут, Евертон и Сандерленд прославија победи против Барнли, Тотенхем, Вулверхемптон и Брентфорд.
По шокантната елиминација од Гримсби Таун, фудбалерите на Манчестер Јунајтед денес имаа шанса да се рехабилитираат и да ја повратат довербата кај навивачите, дури и делумно.
На својот стадион Олд Трафорд, каде ги дочекаа новите премиерлигаши од Барнли, влегоа во натпреварот со улога на фаворити.
По еден добро изведен корнер од Бруно Фернандеш, Касемиро упати удар, но топката ја погоди стативата. Таа го направи одбивање и се удри во Кален за автогол, овозможувајќи водство од 1:0 за Црвените ѓаволи.
Десетина минути по паузата, гостите од Барнли го изедначија резултатот. Фостер беше стрелец, а асистираше Брун Ларсен.
Само две минути потоа, Манчестер Јунајтед повторно водеше. Далот го најде новото засилување Мбеумо, кој постигна гол за 2:1.
Радоста на тимот од црвениот дел на Манчестер беше кратка, бидејќи Барнли одговори со голот на Антони во 66-тата минута.
На самиот крај, Манчестер Јунајтед доби шанса од пенал. Капитенот Бруно Фернандеш ја искористи можноста и со сигурен удар од белата точка постигна 3:2, што беше доволно за победа на неговиот тим.
Фото: Принтскрин
