Александар Вучковски - сомелиер: Како македонските вина го освојуваат светот? ↓↓↓
Килијан Мбапе беше блиску до трансфер во Реал Мадрид, но ПСЖ не попушта во преговорите со шпанскиот гигант, а последните информации се дека трансферот на крајот нема да се реализира.
„Кралевите“ понудија 170 милиони евра плус 10 милиони во бонуси за потписот на Мбапе, но ПСЖ сака 200 милиони и порача дека нема да го продаде за помалку пари.
Исто така, Реал му даде рок на ПСЖ до вечер да реши дали ќе им го продаде Мбапе или не, но последната фотографија на Французинот покажува дека најверојатно нема да има трансфер.
Мбапе објави слика од тренинг со Лионел Меси на која се подготвуваат за следниот натпревар, па најверојатно ќе остане во Париз.
Францускиот напаѓач е во последната година од неговиот договор со ПСЖ и следното лето може да замине целосно бесплатно.
