Пред дербито, падна најважниот потпис во Манчестер Сити! ↓↓↓
Напаѓачот на Реал Мадрид, Карим Бензема зборуваше за француските медиуми по ремито на Франција со Босна и Херцеговина (1-1).
Бензема доби прашање за напаѓачот на ПСЖ, Килијан Мбапе, чиј трансфер во Реал Мадрид пропадна на крајот на преодниот рок.
„Добро се сложуваме, и на теренот и надвор од него. Секако дека би сакал да биде покрај мене во Мадрид еден ден, но мора да го почитуваме клубот. Во секој случај, тој е фудбалер кој ќе игра за Реал Мадрид еден ден. Ова го повторувам затоа што Реал е најдобар во светот“, кажа Бензема.
Бензема го охрабри Мбапе да се пресели во Реал Мадрид и тоа требаше да се случи до крајот на август, но ПСЖ не сакаше да попушти и одби неколку понуди од страна на „кралевите“.
