„Ел Чирингито“ објави дека францускиот напаѓач Килијан Мбапе наводно си резервирал куќа во Мадрид затоа што решил да потпише за Реал.
Шпанскиот медум пишува дека 25-годишниот Мбапе следното лето ќе се пресели кај „кралевите“, откако веќе еднаш ги „откачи“, по што претседателот на Реал, Флорентино Перез соопшти дека ова е последен напад по неговиот потпис.
Реал на 1 јануари испратил официјална понуда до францускиот фудбалери и поставил рок за конечна одлука до средината на јануари.
Мбапе има договор со парижаните до јуни 2024 година, па затоа од 1 јануари е слободен да преговара со останатите гиганти.
Французинот оваа сезона одигра 22 меча во сите натпреварувања и постигна дури 21 гол и две асистенции.
