ЛИОНЕЛ МЕСИ и Кристијано Роналдо, фудбалерите кои како големи ривали оставија белег на цела ера, би можеле кон крајот на годината првпат да играат во ист тим. Такво сценарио е можно според планот на Карлос Тевез, кој има намера да ги собере на својот проштален натпревар. Години тие беа на спротивни страни на теренот, а нивните дуели најмногу се следеа додека ги водеа Барселона и Реал Мадрид.
Иако Тевез се прости од фудбалот уште во 2021 година, свечена утакмица со која ќе ја одбележи успешната кариера сè уште не организираше. Сега решил да го промени тоа и во декември да собере некои од најголемите играчи со кои ја делеше соблекувалната. Натпреварот би требало да се одржи на овој легендарен стадион на Бока Јуниорс, Ла Бонбониера.
“Ќе бидат таму и Лео Меси и Кристијано Роналдо. Ако треба, лично ќе одам по нив. Двајцата ги имам на WhatsApp”, најави Тевез.
Освен Меси и Роналдо, на листата на ѕвезди кои би требало да настапат се наоѓаат и Вејн Руни, Рио Фердинанд, Андреа Пирло и Џанлуиџи Буфон.
