Француски „Л’Екип“ објави дека фудбалерот на ПСЖ, Лионел Меси ќе се приклучи на тимот на почетокот на следната година.
Меси неодамна го освои Светското првенство (СП) со Аргентина во Катар, а потоа си замина во татковината.
Раководството на францускиот шампион наводно му порачало на Меси да се одмори пред продолжение од сезоната.
Меси нема да игра на дуелот против Стразбур, кој е закажан за 28 декември, а нема да настапи ниту три дена подоцна против Ленс.
Аргентинецот се очекува да се врати во тимот дури на 11 јануари на дуелот против Анже.
