Златан Ибрахимовиќ уште официјално не ја кажа својата одлука за продолжување на кариерата, но во Милан веруваат дека ќе ја прифати нивната понуда.
Швеѓанецот веќе настапуваше во Милано, а на „Сан Сиро“ верувааат дека 38-годишниот фудбалер може да ги врати во горниот дел од табелата.
„Кориере дела Сера“ пишува дека управата се надева дека Швеѓанецот ќе го даде одговорот до 15 декември, кога е закажана прославата за 120-годишнината на клубот.
Постојат извештаи дека Ибра би можел да добие 18-месечен договор, а притоа ќе добие и клаузула, според која ќе може да го напушти тимот на лето.
Сепак, засега нема никаков повратен одговор од искусниот фудбалер.
