Селекторот на македонската фудбалска репрезентација, Благоја Милевски ги избра фудбалерите на кои ќе смета на мечот од евроквалификациите против Украина.
Македонија има ист број на бодови како и Украина, па со победа би можела да се вклучи во трката за втората позиција во групата.
Милевски не може да смета на напаѓачите Илија Несторовски и Дориан Бабунски, но затоа во селекцијата се враќаат Валон Етеми и Дарко Чурлинов.
„Сите натпревари се важни. Само победа ни одговара, исто како и на Украина. Очекувам отворен натпревар бидејќи нема да се игра на реми. По ова ни следат дуели со Италија и Англија“, кажа Милевски.
