Младиот голман Дејан Милосављев ја освои наградата за најдобар чувар на мреќата на завршниот турнир во Лигата на шампиони во Келн со Вардар.
Милосављев беше важен дел од екипата и го предводеше таборот на „црвено-црните“ до втор трофеј во елитното натпреварување, а синоќа имаше емотивна изјава пред илјадници навивачи, кои ги пречекаа Вардарци на градскиот плоштад во Скопје.
„Ова е нешто посебно. Игравме до ‘коска’ за вас. Се надевам дека сте горди на нас и на успехот. Да живее Вардар, да живее Македонија“, кажа Милосављев.
Милосављев следната сезона ќе брани во германски Фуксе Берлин.
